Lavadorio do lugar de Punxeiras de Arriba
No lugar das Punxeiras de Arriba, o lado do lavadoiro restaurado da aldea, permanece dende antigo unha pedra con unha abertura semicircular a modo de porta de acceso a fonte ou rego de auga que nutre o lavadoiro. Esta é unha pedra moi vella, a vista da súa patina, na que na súa parte superior se conservan pequenas cavidades a modo de cazoletas, con un posible uso relixioso antigo. Esta pedra é moi semellante, salvando as distancias, as pedras fermosas asociadas a cultura castrexa do noroeste peninsular, como as da citania de Briteiros en Portugal.
Pedra Formosa de Briteiros
Estas pedras están asociadas a balnearios ou termas da época castrexa e incluso tamén durante a romanización. A pedra formaba parte de un conxunto de estancias cubertas con lousas onde se tomaban baños de vapor botando auga sobre pedras quentadas no lume previamente. A pequena apertura estaba pensada para que non se perdera moito calor. As pedras formosas soían recibir este nome por estar moi adornadas con motivos xeométricos, como a de Briteiros, en Guimaraes. Hai tamén quen afirma que estes conxuntos termais tiñan tamén algunha función relixiosa asociada a practicas de iniciación nos moi estendidos cultos antigos ós espíritos das augas
Esta outra que nos ocupa, a da Punxeira, ben podería ter sido unha peza de este tipo asociada a estas crenzas, e sen dubida asociada a poboación castrexa do Castro, a escasos 500 metros do lugar.
Hoxe en día a practica totalidade das cousas que chegaron a nos son os restos dos restos que quedaban xa na idade media, e que ante o descoñecemento foron reutilizados da mellor forma que se puido. Esta pedra, seguramente, puido estar en outro emprazamento, e ser despois utilizada para gardar a entrada a unha fonte, como se explicou en esta entrada, e incluso outras seren repicadas para ser a porta de un forno, etc.
No hay comentarios:
Publicar un comentario